இலவசம்-
அகராதியில்
ஆயிரம் அர்த்தங்கள்
காலமாற்றம்
இலவசத்தின்
உண்மையான அர்த்தம்
பொய்யாகிப் போனது.
இலவசம்
இல்லாதவர்களுக்கு
இருப்பவர்கள்
உம்மா கொடுப்பது போல்
சும்மா கொடுப்பது...
அது யாருக்கு
யாரால் கொடுத்தது
என்பதில்தான் கிக்கு....?
குழந்தைக்கு
அன்னை ஊட்டும்
இலவசத் தாய்பாலுக்கு
அன்றே காசு கேட்டால்..
அய்யோ பாவம்
அஃது என்ன செய்யும்...?
வளர்ந்தப் பிறகும்
காசுகேட்டால்
அன்னைக்கு அடைக்கலம்
முதியோர் இல்லம்
பிள்ளைகளை
தந்தை வளர்ப்பதும்
இலவசமாகத்தான்
வளர்ந்த பிள்ளைகளிடம்
எதையேனும் எதிர்பார்த்தால்
உதைதான் விழும் அப்பனுக்கு..?
கல்விக்குக் குருகுலம்
அங்கேயும் அன்று
தட்சணை இலவசம்
இன்றும்
தரமான கல்விக்கு
கட்டணம் இலவசம்
கடவுள் கூட
காசுவாங்காமல்
தர்சிசனம் தருவதில்லை
எட்டி நின்று பார்க்க
இலவச தரிசனம்
எத்தனை நாள்....?
எதுவும் தெரியவில்லை
அரசு அலுவலகர்கள்
கையூட்டு வாங்குவதும்
இங்கே இலவசம்தான்
கைபூட்டுப் போடாதீர்கள்
இல்லாதவர்கள் வாங்குவது
எல்லாமே இலவசம்தான்
அரசியலில் மட்டும்
இலவசம் என்றால்
ஓட்டுக்கு என்று
ஒப்பாரி வைக்காதீர்...?
அடுத்தத் தேர்தலுக்கு
ஆளுக்கு ஒரு புட்டி
பாரின் சரக்கு இருக்கு.
எங்களுக்கு
ஒட்டு போட மட்டும்
மறந்துவிடாதீர்....
அறிவில் சிறந்த
அப்பாடக்கர்கள்
எங்கள் நீதிமான்கள்..
எழுதி வைத்தார்கள்
இலவசம் வேறு! லஞ்சம் வேறு!!
அது சரி நியாயன்மார்களே!
எங்கள் அரசியல்வாதிகள்
மாட்டை வளர்த்து
பால்கரப்பது போல....
மதுக்கடைகள் வைத்து அல்லவா
இலவசங்கள் அளிக்கிறார்கள்...?
வலைதளங்களில் பகிருங்கள்....நன்றி!!!
Follow @PARITHITAMIL |