கவிஞர்களே ! இவ்வருஷம் குறைத்துக் கொள்வோம்
கவிதைகளில் தேன்தடவல் நிறுத்திக் கொள்வோம்
செவிகளுக்கு இனிமைதரும் செய்யுள் வேண்டாம்
சினிமாவுக்(கு) எழுதிவரும் பொய்கள் வேண்டாம்
உவமைகளைத் துப்புரவாய் நீக்கிப் பார்ப்போம்
உலகத்தைத் திருத்துவதைப் போக்கிப் பார்ப்போம்
என்று கவிஞர்களை நையாண்டி வார்த்தைகளால் கேலி செய்யும் கவிஞர் சுஜாதா அவர்கள்....
செத்தொழியக் காத்திருக்கும் மனுசர் நெஞ்சின்
சிந்தனையைக் கவிதைகளாய்ச் செய்து பார்ப்போம்..................என்கிறார்
புதுக்கவிதைப் பற்றிய அவரது கணிப்பு.....
மரபுக் கவிதைகளுக்கு நடுவே
ஒரு புதுக்கவிதை!
நெடிதுயர்ந்த அடர்ந்த மரங்களுக்குள்
ஒரு போன்ஸாய்!
அவரது கதைகள் நாவல்களில் காணப்படும் விஞ்ஞானத்தின் வளர்ச்சி பற்றிய செய்தி அவரது குருங்கவிதையிலும் காணலாம்.......
குப்பை பொறுக்கும்
சிறுமியின் கையில்
ப்ளாப்பி டிஸ்க்!
பாராம்பரிய ஜப்பான் ஹைக்கூ கவிஞர்கள் பாஸோ போன்று அவரது கவிதை முயற்சியில் இயற்கை எழிலாய் சிரிக்கும்
நீலக் குழல் விளக்கில்
முட்டி முட்டி பால் குடிக்கின்றன...
வீட்டில் பூச்சிகள் !
எல்லா கவிஞர்களைப் போன்றும் காதலைப் பற்றி வித்தியாசமாக சிந்தனை செய்கின்றார் கவிஞர் சுஜாதா (எ) ரங்கராஜன்...........
காதல்!
மனங்களை இணைக்கும்
மதங்களை பிணைக்கும்
ஒரே மந்திரச் சொல்!
சுஜாதாவின் சிறுகதைகள் படிப்பதற்கு ஒவ்வொன்றும் திரை ஓவியமாக அழகான காட்சியாக இருக்கும் நம் மனதை விட்டு நீங்காது எப்போதோ நான் படித்த அவரது சிறு கதைகளில் ஓன்று........கடவுள் வருகிறார் என்று அஹ்ரகாரத்து பிராமினர்கள் முதற்கொண்டு குப்பத்து பாமரர்கள் வரை மெரீனா கடற்கரையில் அதிகாலையில் கூடி சூரிய உதயத்தை கண்டு ஏமாற்றத்துடன் திரும்புவார்கள் இவ்வுலகில் சூரியன்தான் கடவுள் என்று மறைமுகமாக குறிப்பிடுவார்......இன்னும் என் நினைவை விட்டு அகலவில்லை .....
அப்படித்தான் கவிஞர் சுஜாதாவின் காகிதத்தில் செதுக்கப்பட்ட கல்வெட்டுகளாய் உள்ள கவிதை வார்த்தைகள் ஒவ்வொன்றிலும் ஆயிரம் குறியீடுகள் ஒளிந்திருக்கும்
வலைதளங்களில் பகிருங்கள்....நன்றி!!!
| Follow @PARITHITAMIL |