அன்று தீபாவளித் திருநாள்...... வடுகப்பட்டியில் எனது தந்தையார் நடத்திய மளிகைக் கடைக்கு என்றும் விடுமுறை கிடையாது...ஆனால் அங்கே வேலை செய்யும் என் உறவினர்களுக்கு அன்று அரைநாள் விடுமுறை.... அதிகாலையில் எழுந்து நாங்கள் அனைவரும் தொலைவில் இருக்கும் சுடுகாட்டு கள்ளிச்செடி வேலியோரம் காலைக் கடன்களை முடித்து விட்டுத் தலையில் நல்ல எண்ணெய் தேய்த்து, அங்கே வராக நதியின் குறுக்கே தோண்டப்பட்ட குளியல் ஊற்றில்,தலை முழுகி, புத்தாடை அணிந்து...அரக்கப் பறக்க சாப்பிட்டுவிட்டு மதியம் படம் பார்க்க புறப்பட்டோம்...
வடுகபட்டி திருமலை திரையரங்கில் எம்.ஜி.ஆர். நடித்த குலேபகாவலி புத்தம் புதிய காப்பி.........? அட...இதையே எத்தனை தடவ பார்ப்பது...
அருகில் உள்ள பெரியகுளம் ஊருக்கு குதிரை வண்டியில் பயணம்....
அங்கே அப்போது இரண்டு திரையரங்கங்கள்......அதில் ஜெயா டாக்கிஸ்-ல் சிவாஜி நடித்த பட்டிக்காடா? பட்டணமா?- பிளாக் அண்ட் ஒயிட் திரைப்படம் இன்னொரு தியேட்டர் ரஹீம்....அதிலும் சிவாஜி நடித்த வசந்த மாளிகை ஈஸ்ட்மென் கலர் திரைப்படம்
எங்கள் சாய்ஸ்.......வசந்தமாளிகை ஆனால் ரஹீம் தியேட்டரோ பெரியகுளம் கடைசியில் உள்ளது...அங்கே முசப்பாச்ச்சலில் ஓடிப்போனால்.......அய்யோ அங்கே படு பயங்கரக் கூட்டமோ கூட்டம் தியேட்டர் அருகில் கூடச் செல்ல முடியவில்லை....மீண்டும் ஜெயா தியேட்டருக்கு ஓட்.....ட்.....ட்...டம்
அப்போதெல்லாம் பிளாக்கில் யாரும் டிக்கட் விற்றமாதிரி தெரியவில்லை. டிக்கெட் எடுக்கும் கவுண்டர் இருபுறமும் சுவர் எழுப்பி...ஒருவர் பின் ஒருவராகத்தான் செல்லமுடியும்.....வரிசையில் நின்று...நசுங்கி...ஒருவகையாக நாங்கள் அரங்கில் சென்று அமர்ந்தோம்...சிவாஜியின் பட்டிக்காடா பட்டணமா படம் இப்படிப் பெரியஅலைச்சலில் பார்த்து முடித்தோம்...
ஆனால்...இந்த நினைவும் இன்றுவரை மறக்க முடியவில்லை அந்தப் படத்தில் சிவாஜி கையில் தீச்சட்டி வேப்பிலையுடன் ஆடிப்பாடும்......அம்பிகையே! ஈஸ்வரியே! என்ற பாடலும் அவரது ஆட்டமும் ....
thanks-YouTube-by Rajshri Tamil
அதில்சிவாஜி இரண்டு கெட்டப்பில் தோன்றுவார்......குடும்பி வைத்துக்கொண்டு கேட்டுக்கோடி உறுமி மேளம்...என்று பாடி வரும் பட்டிக்காட்டு சிவாஜி தன் அத்தை மகள் பட்டணத்தில் படித்த ஜெ....வை திருமணம் செய்வதும்..
thanks-YouTube-by Rajshri Tamil
பிறகு சிவாஜி பட்டணத்து ஹிப்பி ஸ்டைலில் முடியுடன் வந்து......நல்வாழ்த்து நான் சொல்வேன்... என்று கிட்டாரில் ஒரு பாட்டு...செம கிக்கு... ஜெ...வை மயக்கி சரிகட்டுவதும் கதை
இன்று சென்னை மாநகரில் படம் வெளிவருவதற்கு முன்பே மொபைலில் டிக்கெட் புக் செய்து.......E.A.காம்ளெக்ஸ்..எஸ்கேப்,சிட்டி சென்டர் INOX, அபிராமி மெகாமால் என்று திரையரங்குகளில் சொகுசாகப் படம் பார்க்கும் போதும் என்னால் இந்த சிவாஜியின் படம் பார்த்த பழைய கதையை இன்னும் மறக்கமுடியவில்லை........நடிப்புலகின் வேந்தனை என்றும் மறக்க முடியுமா....?
வலைதளங்களில் பகிருங்கள்....நன்றி!!!
| Follow @PARITHITAMIL |