மதமென்னும்
மதுப்போதையில்
மயங்கிக் கிடந்த
மனிதர் கூட்டம்
மதியற்று செய்த சூழ்ச்சி.......
உயர்வு தாழ்வு இகழ்ச்சி
மீண்டும் குரங்காக
மனிதன் மாறும்
பரிணாம வீழ்ச்சி...
அவர்
பிறவியிலேயே
செல்வச் சீமான்
பதவிகள்
பாராட்டுக்கள்
பல கண்ட பண்பாளர்
ஆயினும்
எவர் எக்கேடு
கெட்டுப் போகட்டும்
என்றில்லாமல்....
கடவுள் இல்லை என்றால்
பழிப்பார் என்று தெரிந்தே
அறியாமை அகற்ற
பகுத்தறிவு பகலவனாய்.....
அள்ளிக்கொடுப்பது மட்டுமே
அவனியில் தர்மம் அல்ல
சுயமரியாதை சுடர்விட
பகுத்தறிவுடன் வாழ்ந்திட
சொல்லிக்கொடுப்பதே
அழியாத தர்மம் என்று
எவர் இங்கே
அதர்மத்தை அழித்து
அறவழி காட்டினாரோ
அவரே பெரியார்...
அவரால்
தீண்டாமைக்கு
திண்டாட்டம் வந்தது
பெண்ணுரிமை
முன்னுரிமை கொண்டது
மூடநம்பிக்கை
முகத்தை மூடிக்கொண்டது
அவர் போட்ட
கடவுள் இல்லை கூப்பாட்டில்
கடவுள் எப்போதும் போல
கம்முனுதான் இருந்தார்
கடவுள் பிரதிநிதிகள்தான்
தம் கட்டி வம்புக்கு வந்தார்
பழிப்போரை புறம் தள்ளி
அறவழி காட்டி
தன்னம்பிக்கை தந்ததாலே
அவரும் தந்தையானார்
பகுத்தறிவு தந்தையானார்
இன்று யார் இந்தப் பெரியார்...?
என்று கேட்போரெல்லாம்
அன்று யாருக்காக அவர்
பழிசுமந்து வழி காட்டினாரோ
அவர்கள் வாரிசுகள்தான்
அதை நினைத்தால்தான்
நெஞ்சு பொறுப்பதில்லை...
இன்று யார் இந்தப் பெரியார்...?
என்று கேட்போரே....
கேளீர்!
பகுத்தறிவு இல்லாத
நீவீர் ஒரு வெங்காயம்
உரிக்க உரிக்க உள்ளே
ஒன்றுமில்லாத மாயம்
பெரியார் வழி போவோருக்கு
என்றும் வராது பெருங்காயம்
வழி காட்டினார் பெரியார்
பழி கொட்டினார் சிறியார்
கவிதை தந்த குறள் 40:
செயற்பால தோரும் அறனே ஒருவற்குகலைஞர் உரை:
உயற்பால தோரும் பழி.
பழிக்கத் தக்கவைகளைச் செய்யாமல் பாராட்டத்தக்க அறவழிச் செயல்களில் நாட்டம் கொள்வதே ஒருவர்க்குப் புகழ் சேர்க்கும்.
குறிப்பு-இது குறளுக்கு எழுதிய விளக்கமல்ல...குறள் படித்ததால் என்னுள் எழுந்த உணர்வின் பிரதிபலிப்பு..இலக்கியவாதிகள் தவறாக நினைக்க வேண்டாம்............................பரிதி.முத்துராசன்
thanks-YouTube by
PARITHI MUTHURASAN·வலைதளங்களில் பகிருங்கள்....நன்றி!!!
| Follow @PARITHITAMIL |