கனவுகளும் பூக்கள்தான்

கனவுகளும்
பூக்கள்தான்
பகலிலும் மலரும் 
இரவிலும் மலரும் 




சில
கனிந்து
இனிக்கின்றன
பல
உதிர்ந்து
மக்கிப் போகின்றன 

அன்னையின்
கனவுகள்
அன்பு மணக்கும்
மல்லிகைப் பூக்கள்

தந்தையின்
கனவுகள்
நம்பிக்கையில் 
மிதக்கும் தாமரைகள்

அரசியல்வாதியின்
கனவுகள்
ஆட்சியைப் பிடிக்க...
சாக்கடைப்பூக்கள்  

மதவாதிகளின்
கனவுகள்
கயமை நிறைந்த
உயிர்கொல்லிப் பூக்கள்

ஏழைகளின் 
கனவுகள் 
எப்போதாவது பூக்கும் 
குறிஞ்சிப் பூக்கள் 

பணக்காரனின் 
கனவுகள் 
பாவம் பார்க்காத 
நெருஞ்சிப் பூக்கள்   

எப்படிப் பார்த்தாலும் 
என் கனவுகள் எல்லாம் 
என்றும் காகிதப் பூக்கள்
எதுவும் புரியாத 
கவிதைப் பூக்கள் 

இப்பதிவு தங்களுக்குப் பிடித்திருந்தால்....
வலைதளங்களில் பகிருங்கள்....நன்றி!!! பதிவுகளை உடனுக்குடன் தெரிந்து கொள்ள.......
ட்விட்டரில் இணைந்து கொள்ளுங்கள்

Follow @PARITHITAMIL

வாருங்கள் வாழ்வோம் முகநூல் நண்பர்களாக...